akela achaa hoon...ya... kaash koi hota

na kisi ki chinta na koi fikar,

acha hai jo mai akela hoon,

koi tohfey nahi koi waadey nahi,

koi roothna koi manana nahi,

acha hai jo mai akela hoon,

jahan marji jaaun,

jo jee chaahey wo khaaun,

jisey dekhu... chaahey jab nahaaun,

koi rok nahi.. koi tok nahi,

azaad panchi sa udta jaaun,

acha hai jo mai akela hoon,

bus...

kabhi..

kabhi..

jab baarish ki boondo me akela bheegta hoon to sochta hoon,

kaash koi hota...

jab zindagi baar thokar maarti hai,

jab kisi ka sahara tal;ashne ki just-o-joo hoti hai,

jab dil roney ke liye kisi ka kandha maangta hai,

khushiyon me faili hui baahein chaahta hai,

to lagta hai ki kash koi hota...

jo himmat de.. hausla de...

jo galtiyon pe daantey... jo aapka khayaal aapse jyada rakhey,

aapki khushi jiske liye sabse jyada jaroori ho

jiske bina aapki zindagi adhoori ho,

jb kisi ko kisi ka intezaar kartey dekhta hoon,

jab kisi ko pal me ladtey pal me muskaratey dekhta hoon,

to lagta hai ki kash koi hota...

ab samajh nahi aata ki mai akela acha hoon ya kash koi hota

meri aankho me basi uski tasveer

Wo uljhi hui apni zulfein suljhaati hai magar,

Uljhi hui zindagi ko apni suljha nahi paati.

Apni kajraari aankho me samaa rakhein hain kuch raaz usne,

Magar andheron se apne wo bahar aa nahi paati,

Raah me aane waale har patthar ko sanjo leti hai wo,

Mohobbat keek phool ko magar wo dil se laga nahi paati,

Kabhi aankhein dikhaati hai… kabhi nazrein dikhaati hai,

Ukhdey hue andaaz to kabhi rutbaa dikhaati hai,

Chupa rakhein hai usne Bus ek apne zakhm dikhaa nahi paati,

Kabhi baatein banaati hai.. kabhi bahaane banaati hai,

Gazar ke halwe to kabhi mujhe ullu banaati hai,

Nibha to leti hai Bus rishtey wo sahi se bana nahi paaati,

Duniya chalati hai wo apne ishaaron par,

Magar kismet ko apni wo chala nahi paati,

Kehti hai rooh me basti hai mere,

Auir mere BULAANE tak pe to aa nahi paati…..

chaaah

Kabhi kaantey pasand aaye to kabhi phool bhi bhaaya nahi humey,

Kabhi meelo tanha chaltey rahey to kabhi kismet ne saalo chalaya nahi humey,

wo chaahto ki baarish to karta raha magar,

kabhi ek lamhey ko bhi usne chaaha nahi humey,

kabhi khoobsoorat waadey kiye,

kabhi beintahaan mohobbat,

kabhi soya humari aagosh me,

kabhi dil khol ke roya kambakht,

taptey registaan me dhoondha badi shiddat se tha,

kabhi aag mili to kabhi pyaas mili magar saaya nahi humey,

kabhi ek lamhey ko bhi usne chaaha nahi humey,

badey armaan they ghar sajaane ke dil me,

hasratein to rahi hongi kuch uske bhi dil me,

in hasraton ka mere armaano ka badey itminaan se katl hua dil me,

madhosh to pehli hi nazar me kar diya tha usne,

bus hosh me laaya nahi humey,

ek lamhey ko bhi usne kabhi chaaaha nahi humey,

mai zinda laash hoon tu rooh hai,

tu mera khwaab meri jus-ta-joo hai,

shayad is jism ki kismet me hi nahi ki usey rooh naseeb ho,

tum tab bhi mere the tum aaj bhi mere ho,

bus tumhi ne paya nahi humey,

ek lamhey ko bhi usne kabhi chaha nahi humey…

Addictive quotes

Excellence is not just an act it’s an addiction.

Winners are addicted to victory.

You can’t live without me… you are actually addicted to me

Getting addicted is easy but Quitting makes you a QUITTER..

Addiction is the biggest need for perfection.

We are addicted to perfection.

Perfection is not satisfaction but Addiction of perfection.

Addiction simply means Devotion.

Addiction is not always bad and especially when you are addicted to Excellence. or

Addiction is good when you are addicted to perfection.

Getting doped is not the only addiction

Only ADDIVCTIVE can SEARCH the best ADDICTION.

Forget everything now Addictive is in town

We are addictive…We live in our own world… of CREATIVITY

They are ADDICTED but we are just ADDICTIVE

We can’t help people getting ADDICTED after all we are ADDICTIVE

Creativity and addiction both have wings and no boundaries

Doped without getting doped

We have the Right/Original STUFF

Creating something new is the biggest Addiction

chalta hai India

Girta hai… samhalta hai…

Kaheen dakhiyanoosi hai…

To kaheen badalta hai India….

Fir bhi chalta hai India…

Red light pe kabhi kabhi rukta bhi hai…

Bhikhari ko dekhke dil dukhta bhi hai..

Horn bajaake… side se bachtey bachaatey…

aagey nikalta hai India…

Fir bhi chalta hai India…

Doston pe jee jaan lutaata hai…

Khushiyaan ho ya gum,

Rishtedaaron ko jaroor bulaata hai…

Baat baat pe biwi se rooth jata hai…

Aur fir manane ke liye khana pakaata hai,

Shaant hai kabhi samandar sa,

To kabhi nadjiyon sa machalta hai India..

Fir bhi chalta hai India…

Kabhi ghotaalon pe baatein karta hai…

Kabhi aasmaan chhone ki to kabhi

Aagey badhne ki baatein karta hai…

Fir practical ho jata hai aur

Ghar chalaane ki baatein karta hai…

Bheed me bojh bankar..

Kaandhey pe dalta hai India…

Fir bhi chalta hai India…

Wo kanchey, wo gilli dandey ke khel,

Chuk chuk karti hui bachchon ki rail….

To kaheen chai ki dukaan par..

Ek pappu zindagi me ho jata hai fail…

Har gaanv.. har gali.. har mohalley me…

Bachpan banker tehelta hai India…

Fir bhi chalta hai India

Barfeeli chotiyon pe haddiyaan galaata hai…

Poorey desh ko khud me kuch is tarah samaata hai…

Ladaayi na to fitrat hai na kamjori hai humari…

Ye dushmano ko har baar yaad dialata hai..

Seena taaney, mun me thaaney, jeet jaane ke liye…

Baat maaney, saans thaame, vijay geet gaane ke liye…

Har baar pushp se lohey me dhalta hai India,,,

Fir bhi chalta hai India…

Hindu nhi.. muslim nahi.. koi sikh isaayi nahi…

Insaaniyat se badhke koi jahaan me khudayi nahi…

Kabhi hindu ke naam pe…

Kabhi muslim ke naam pe…

Sikh to kabhi isaayi ke naam pe…

Pal-Pal jalta hai India…

Fir bhi chalta hai India…

Malls aur hotels ki OOnchi imaarton ke beech…

Kabhi mangal bazaar ki cheekh chillahaton ke beech…

Kabhi local ke dhakko to kabhi

sadkon ke gaddhon ke beech…

roz palta hai India…

fir bhi chalta hai India…

Kuch Nahi Paya Maine tumse juda hoke

kuch nahi paya maine tumse juda hoke,

k buth jaisa ho gaya hoon khuda hoke,

tujhe meri kismat pe bada naaz jo tha,

reh gaya hoon mai kisi ki bd'dua hoke,

KUCH NAHI PAYA MAINE TUMSE JUDA HOKE...

wo chingari kuch paaney ki bujh gayi kab ki,

ab reh gaya hoon nakaamiyon ka dhuaan hoke,

KUCH NAHI PAYA MAINE TUMSE JUDA HOKE...

tu bewafa sahi par zindgi jitni to nahi,

ye maine jana zindgi pe fida hoke,

KUCH NAHI PAYA MAINE TUMSE JUDA HOKE...

bujh gaya jaise chiraag-e-zndagi mera,

roz marta hoon mai tujhse yoon juda hoke....

KUCH NAHI PAYA MAINE TUMSE JUDA HOKE.... DJ

"wo kesi hai???".. "wo aisi hai"

wo apne chehre pe bikhri hui zulfon ke bech se,

sapno ki duniya me khoi hui,

apni aadhi khuli aur aadkhi band,

 madhosh nazron se mujhe ek tak dekhti hui,

gulab ke phool pe jese shabnam ki boond ho,

kuch aise hi apne hothon pe dheeme se mera naam rakhte hue,apni baahon ko meri taraf badhaatey hue,

mujhko khud me poori tarah samaatey hue,

apne hath mere haatho me rakhkar,

halke se dabaatey hue,

meri god me sar rakhkar sapne sajaati hui tum,

tumhari uljhi laton ko mai apne haatho se suljhaatey hue,

tum yoon hi mere paas baithi raho,

mai poori zindgi bita doon tumhey yoon hi nihaartey hue,

aaj tumhari zulfon, tumharey labon tumhari aankhon ki baatein,

mai apne dil ko batatey hue,

mai tumharey saath hoon,

tum jaahey jis kisi ke bhi PAAS ho,

mai har dum tumhaarey SAATH hoon...